Oriental Daily Report about Protest on TVB Jade’s Promotion on Sharkfin

無綫劇集悲情結局 共收13宗投訴 謝天華、黃宗澤主演電視劇《潛行狙擊》結局篇平均收視33點,無綫外事部副總監曾醒明指該劇共接獲8宗投訴,指不滿意結局要求重拍結局,而廣管局亦接獲5宗投訴,指不滿結局悲慘,正義的人無晒一齊。 此外,飲食節目《為食總司令》其中一集內容涉及魚翅,無綫接到環保團體來信反映節目不環保,無綫已回覆不是刻意叫人去食魚翅。《千奇百趣終極反擊戰》廣管局則接了一宗投訴,指有絲襪蒙頭片段,會令小朋友模仿造成意外。

Apple Daily Report about Protest on TVB Jade’s Promotion of Sharkfin

隔牆有耳:節目煮翅幟哥被斥 2011年09月13日 瀏覽人次:9,400 無綫 9月 4日晚播出名廚黃永幟做主持嘅飲食節目《為食總司令》,幟哥喺節目尾段親自下廚示範煮菜式「炒蟹肉乾撈翅」畀嘉賓惠英紅同鍾慧冰品嚐,用咗重量級海虎翅做食材,仲講解點樣煮魚翅,成班人食得津津有味,但節目出街後無綫即刻收到 4個電郵同一個電話投訴,話幟哥行為鼓吹食翅好唔環保,其中一個投訴嚟自 WWF世界自然基金會。 無綫外事部副總監曾醒明噚日解釋節目只係介紹美食資訊,冇鼓吹人食翅,會將意見向製作部反映,日內書面回覆有關團體,幟哥就話暫時唔回應。其實幟哥被投訴有前科,舊年佢主持第一輯《為》節目時亦推介過魚翅菜式,當時同樣被環保團體同網民投訴㗎。